“Pochtachilikdan yozuvchilikkacha” matnini oʻqing, matn mazmunini ochuvchi savollar tuzing.

Ответ

Buni hayot deydilar. Hayotda ba'zan odam o'zi xohlamagan ishni ham qilishga majbur bo'ladi. Ko'plab go'zal asarlar muallifi, nafaqat qirg'iz xalqining, balki jahon kitobxonlarining mehriga sazovor bo'lgan yozuvchi Chingiz Aytmatov urush yillari, o'smirlik paytlari pochtachi bo'lib xizmat qilgan. Yozuvchining bolalik xotiralarida urush yillari Shakar ovulida pochtachilik qilgani juda ta'sirchan ifodalangan: "Ovuldan biror oilaga qoraxat kelsa, oqsoqollar oldiga borib, ularga tushuntirar edik, - deb yozadi adib. - Ular avval halok bo'lgan kishining qarindoshlarini chaqirib, boʻlgan voqeadan xabardor qilib, o'zaro maslahatlashgach, so'ng meni ergashtirib, marhumning uyiga borishardi. Men oila a'zolariga qoraxatni o'qib berardim... Ovulimizdagilar meni yaxshi tanishardi. Ular menga yomonlikni ravo ko'rishmasdi, kimgadir qoraxatni topshirmoq, o'limning sovuq xabarini yetkazmoq zimmamga yuklangan vazifa ekanini tushunishardi. Ammo gohida o'z ishim bilan ko'chalaridan o'tib borayotgan bo'lsam ham ayollar meni ko'rib uvvos solishardi: "Yaqinlashma biznikiga, yo'qol qorang o'chgur! Qani, daf bo'l-chil" deb qarg'ashardi".
Taniqli olim K.Asanaliyev shunday yozadi: "Chingiz Aytmatov o'z so'ziga, ijodiga yolg'on aralashtirmagan, qahramonlariga hech qachon yolg'on bir so'z ham demagan, haqiqat qanchalik og'ir bo'lmasin, un tag-tugigacha ayta olgan yozuvchilar sirasiga kiradi. Shu jihatdan olib qaraganda, u ayovsiz chinchi (haqiqatchi), rostgo'y yozuvchi. Qahramonlariga nisbatan ayovsizligi yozuvchiga xos oq niyatdan kelib chiqadi.
Chingiz Aytmatovning o'zi bu haqdagi xotiralarini shunday bayon qilgan ekan: "Qishloq xo'jaligi institutida o'qib yurgan kezlarimda gazetalar uchun juda ko'p maqolalar yozganman. Yoshlar hayotiga oid bir qator muammolarni dadil ko'tarib chiqar edik. Gazetalarda bosilayotgan maqolalarning sayozligi, quruq, hech kimga keraksiz gaplardan iboratligi meni ajablantirardi. Bunaqada gazetalari hech kim o'qimay qo'yishi mumkin-ku, deya xavotirga ham tushardim. Shularni o'ylab, odamlami qiziqtira oladigan faktlarni to'plab, maqola yozishga kirishganman. Ba'zan yaxshi chiqardi, ba'zan esa aytmoqchi bo'lgan fikrimni ifoda eta olmay qiynalardim".
Shunday qilib, urush yillari odamlarga "Qoraxat tashib yurgan pochtachi nafaqat o'z millati, balki yuragidagi umuminsoniyatga bo'lgan mehri, boy tafakkuri va haqso'zligi tufayli umrboqiy ijodkorga aylandi. Ch. Aytmatovning ijodiy mahsuloti dunyoning 180 dan ortiq tillariga o'girilgan. Jahonda sanoqli adiblar egallagan cho'qqini turkiy adabiyot vakillaridan hozircha faqat Chingiz Aytmatovgina egallab turibdi. Bugungi kunda tadqiqotchilar adibning asarlari jahon tillarida 80 million nusxadan oshiq chop qilinganini e'tirof etishmoqda. Bu fakt adib nomini XX asming eng taniqli Jan-Pol Sartr, Alber Kamyu, Maks Frish, Fridrix Dyurrenmatt, Gabriel Garsia Markes, Vargas Losa, Karlos Fuentes, Kendzaburo Oe kabi so'z san'atkorlari safidan joy olganini bildiradi. Adib eng so'nggi asarigacha inson qalbini, uning ko'nglini himoya qildi, inson hamda olam haqida o'z iztiroblarini, o'y-kechinmalarini, inson va insoniy fazilatlar haqidagi orzu-armonlarini asarlari orqali bayon etdi. Zotan, yozuvchining umri u yashagan yillar bilan emas, kitoblari yashagan asrlar bilan o'lchanadi.

Другие задачи с этого варианта

1 2 3

Книга: Ответы на билеты по узбекскому языку для 11 класса 2023
Билет/вопрос: №24

Абитуриентам

ЦТ, Беларусь

Сборники тестов, Узбекистан
DTM варианты
Онлайн ДТМ тестирование

Решебники

Физика
Математика

Онлайн тестирование

Английский язык
Русский язык
Математика
Биология
География
История

База знаний по предметам

Физика
Математика
Информатика
Литература
Английский язык
Русский язык
Химия
История
География
Биология

Все разделы