Kino san’ati qachon paydo bo‘lgan?

Kino san’ati qachon paydo bo‘lgan? Qanday kinofilmlarni tomosha qilasiz? O‘zbek kino yulduzlaridan kimlarni bilasiz? Gapirib bering.

Kino san`ati — kinematografiya ning texnik vositalar asosida shakllangan badiiy ijod turi; ekran san`atining muhim tarkibiy qismi; real borliqni aynan yoki badiiy- hujjatli obrazlar, multiplikatsiya vositalari yordamida suratga olish; kinofilmlarning omma orasida keng tarqalishi uchun xizmat qiladigan televideniye, videokasseta va videodisklarni ham o`z ichiga oladi. Kino san`ati kinematograf bilan bir vaqtda paydo bo`ldi. Kinematograf esa fan va texnika taraqqiyoti bilan bog`liq holda yuzaga keldi va asta-sekin zamonaviy iqtisod, san`at va madaniyatning eng zarur sohasiga aylandi.Kino 1895 yil 28 dek.da Parijda (ixtirochilar aka-uka O. va L. Lyumyerlar) yuzaga kelgan. Uning yuzaga kelishi, o`z navbatida, insoniyatning badiiy madaniyati tarixida ob`yektiv qonuniyat bosqichi bo`ldi. K. yeda adabiyot, teatr, tasviriy san`at va musiqa tajribalari, uning estetik jihatlari uyg`unlashtirilib, o`ziga singdirilgan holda voqelik o`ziga xos ifoda vositalarida fotog`rafik tasvir orqali ko`rsatiladi. Kino san`atining ommani ijtimoiy-siyosiy va madaniy jihatdan tarbiyalashda, kishilar ongi, fikr va qarashlari, estetik did va histuyg`ulari, umuman, ma`naviy dunyosining shakllanishida g`oyaviy-badiiy ta`siri kuchlidir. Kino san`atining qaror topishida amerika kinorejissyori D. Griffitnit xizmatlari katta. Birinchi bo`lib, u yirik plan, parallel montaj, kengaytirilgan panorama kabi ifodali vositalarni qo`llagan. Shuningdek, S. Eyzenshteyn, Ch. Chaplin, E. Shtrogeym, K.Dreyer, K. Vidor, R. Kler qabilar ham jahon kinosi rivojiga munosib hissa qo`shdilar.XX asrning 1-yarmida Kino san`atining janr tizimidan ko`proq komediya harakteridagi sarguzasht hamda qo`rqinchli filmlar o`rin oldi. 20-yillardan kinoda turli uslubiy izlanishlar bo`ldi. Mas, "ekspressionizm", "poetik kino", "maxfiy kino" harakati, "ochiq kino" va boshqaKeyinroq turli mavzular qatori kinohikoyalarga alohida e`tibor berildi. Ko`proq ma`lum bir tarixni hikoya qiluvchi filmlar ko`paydi. Urushdan keyingi yillar rivojlangan mamlakatlarning ilg`or kinematografchilari ishlagan filmlar, ayniqsa, italiya neorealizmi ekran san`atining asosini tashkil etdi. O`zbekistonda birinchi film 1897 yil "Eski jo`va" maydonida ko`rsatilgan. 1908 yildan Toshkent, Samarqand, Qo`qon va boshqa shaharlarda chet el filmlari namoyish etilgan. O`rta Osiyoda ko`rsatilgan kinolentalar, asosan, Amerika, Fransiyaning Sharq ekzotikasi tasvirlangan filmlaridan iborat bo`lgan. O`zbek milliy Kino san`ati 20-asrning 20- yillarida vujudga keldi. Birinchi o`zbek kinooperatori Xudoybergan Devonov o`zining ilk hujjatli-xronikal filmlarida o`zbek xalqining hayotini, urf-odatlarini, Xorazm manzaralarini aks ettirishga intilgan. 1924 yil rus-buxoro shirkati "Buxkino", 1925 yil Toshkentda "Sharq yuldo`zi" (1936 yildan "O`zbekfilm") kinofabrikasining tashkil bo`lishi o`zbek Kino san`ati rivojini boshlab berdi. Lekin milliy kadrlarning yetishmasligi natijasida studiyani tashkil etishga urinish va "Buxkino" shirkati qoshida muntazam suratga olishni tashkillashtirish muvaffaqiyatsiz bo`ldi. Toshkent studiyasiga hali kino sohasida yaxshi tanilmagan rus kino arboblarining kelishi, ularning kasbiy saviyasining pastligi haqiqiy milliy mazmundagi kinolar yaratishga yo`l qo`ymasdi. Ular yaratgan filmlar faqat ekzotik va tashviqiy harakterda bo`lib, o`zbeklar hayoti bo`zib ko`rsatilardi, o`zbek ayollari rolini rus aktrisalari o`ynashi natijasida qahramonning ichki dunyosi, uning psixologik kechinmalari ochib berilmasdi [mas, "O`lim minorasi" (rej. V. Viskovskiy), "Musulmon qiz" (D. Bassaligo), "Ikkinchi xotin" (M. Doronin) va boshqa]. Kino ishlashda milliy proza va dramaturgiyadan foydalanishdan bosh tortish, o`zbek hayotini bilmaydigan rus mutaxassislarning o`zlari yozgan ssenariylari asosida film yaratishi milliy kino uchun juda katta yo`qotish bo`ldi, o`zoq yillargacha o`z shakl-shamoyiliga ega bo`lolmadi, uning "o`zbek milliy kinosi" sifatida shakllanishiga o`tib bo`lmas to`siq bo`ldi.

Другие задачи с этого варианта

1 3

Просмотров: 428
Книга: Ответы на билеты по узбекскому языку для 11 класса, Узбекистан 2022
Билет: №15



Список вузов Узбекистана
Проходные баллы в институтах Узбекистана
Решение домашней работы

Онлайн тестирование

Английский язык
Русский язык
Математика
Физика
Биология
География
История

База знаний по предметам

Физика
Математика
Информатика
Литература
Английский язык
Медицина
Русский язык
Химия
История
География
Философия
Астрономия
ОБЖ
Черчение
Биология
Чтение
Экономика
Экология
Окружающий нас мир
Обществознание

Вход на сайт



"Test-Uz.Ru" © 2014-2022. Информационный портал для школ, лицеев, колледжей и ВУЗов

О сайте | Обратная связь